Leninqradı müdafiə edən azərbaycanlıların xatirəsi Sankt-Peterburqda əbədiləşdirilə bilər

Leninqradı müdafiə edən azərbaycanlıların xatirəsi Sankt-Peterburqda əbədiləşdirilə bilər Sankt-Peterburq qubernatoru Aleksandra Beqlov Azərbaycan Respublikasının Rusiya Federasiyasındakı səfiri Polad Bülbül oğlu və Azərbaycan Prezidentinin köməkçisi, Heydər Əliyev Fondunun icraçı direktoru Anar Ələkbərov ilə görüşüb.
Xarici siyasət
177
25 Yanvar , 2022 21:42
Leninqradı müdafiə edən azərbaycanlıların xatirəsi Sankt-Peterburqda əbədiləşdirilə bilər

Sankt-Peterburq qubernatoru Aleksandr Beqlov Azərbaycan Respublikasının Rusiya Federasiyasındakı səfiri Polad Bülbüloğlu və Azərbaycan Prezidentinin köməkçisi, Heydər Əliyev Fondunun icraçı direktoru Anar Ələkbərov ilə görüşüb.

“Report” xəbər verir ki, görüşdə iqtisadi və humanitar əməkdaşlığın gücləndirilməsi məsələləri müzakirə olunub. A.Beqlov xatırladıb ki, bir neçə gündən sonra, yanvarın 27-də Leninqradın faşist blokadasından tam azad edilməsinin 78-ci ildönümü qeyd olunacaq. Qubernator qeyd edib ki, Böyük Vətən müharibəsi zamanı azərbaycanlılar Leninqradın müdafiəsinə qalxıblar.

Aleksandr Beqlov Böyük Vətən Müharibəsi illərində Leninqrad cəbhəsində vuruşmuş azərbaycanlıların xatirəsinin əbədiləşdirilməsini təklif edib. Onun sözlərinə görə, belə bir abidə Sankt-Peterburqun Azərbaycan xalqına minnətdarlığının əlaməti olacaq.

Sankt-Peterburq qubernatoru, həmçinin bildirib ki, 2020-ci ilin dekabrında Vıborqski rayonundakı meydana bəstəkar Üzeyir Hacıbəyovun adı verilib. Bundan başqa, qubernator Bakıda ilk kosmonavt Yuri Qaqarinin büstünün qoyulması imkanının nəzərdən keçirilməsi təklifi ilə çıxış edib.

Görüşdə səfir Polad Bülbüloğlu bildirib ki, Azərbaycan tərəfi Sankt-Peterburqla iqtisadi, elmi-texniki və mədəniyyət sahələrində uzunmüddətli sazişin bağlanmasında maraqlıdır.

Anar Ələkbərov öz növbəsində vurğulayıb ki, Heydər Əliyev Fondu 2022-ci ildə Rusiya ilə Azərbaycan arasında diplomatik münasibətlərin qurulmasının 30-cu ildönümünün qeyd edilməsi çərçivəsində bir sıra gənclər forumlarının keçirməyi planlaşdırır. O, Sankt-Peterburq gənclərini mart ayında baş tutacaq forumlarda iştirak etməyə dəvət edib.

Son xəbərlər

Orphus sistemi