Fərid Şəfiyev: “Qərb mediasında ikili standartlar göz önündədir”

Bu gün Qərb mediası fəal şəkildə ikili standartlar siyasəti yürüdür.

"Report" xəbər verir ki, bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev "Cənubi Qafqaz - Yaxın Şərq regionu: geosiyasət və əməkdaşlıq" adlı hesabatın təqdimatı zamanı bildirib.

Onun sözlərinə görə, İkinci Qarabağ müharibəsi başa çatdıqdan sonra Azərbaycan bir sıra problemlərlə, o cümlədən Qərb jurnalistləri tərəfindən Qarabağdakı vəziyyətin qərəzli işıqlandırılması ilə üzləşib: “Lakin Azərbaycan sülhə nail olmağa çalışır”.

F.Şəfiyev eyni zamanda vurğulayıb ki, Səudiyyə Ərəbistanı həm işğal illərində, həm də ondan sonra Azərbaycana dəstək verən ölkələrdən biri olub.

O bildirib ki, oxşar qərəzli yanaşmanı Səudiyyə Ərəbistanına qarşı da müşahidə etmək olar: “ABŞ və Böyük Britaniya hazırda husilərə qarşı mübarizə aparır, lakin Səudiyyə Ərəbistanı bu mübarizəni apardıqda tənqid edilib”.

Qeyd edək ki, təqdimat Səudiyyə Ərəbistanının Milli Müdafiə Universiteti və Komanda-Qərargah akademiyasının rəhbəri Abdulelah Mohammed Hamdanın başçılığı ilə professor-müəllimlərdən ibarət heyət üçün keçirilib.