Bakı. 7 aprel. REPORT.AZ/ Estoniyanın xarici işlər naziri Sven Mikser iyunun 12-də Azərbaycana səfər edəcək.
Bu barədə "Report"a Estoniyanın Azərbaycandakı nümayəndəliyinin rəhbəri İndrek Kiverik məlumat verib.
Onun sözlərinə görə, səfər zamanı nazir Azərbaycanın yüksək vəzifəli şəxsləri ilə görüşəcək. Görüşlər zamanı ikitərəfli münasibətlər, eləcə də "Şərq tərəfdaşlığı" proqramı çərçivəsində əməkdaşlıq müzakirə olunacaq.
Qeyd edək ki, Estoniya bu ilin ikinci yarısında Avropa İttifaqına sədrlik edəcək və Brüsseldə "Şərq Tərəfdaşlığı" sammiti təşkil edəcək.