Elmar Məmmədyarov Nyu-Yorkda Qətər və Litvadan olan həmkarları ilə görüşüb

Bakı. 27 sentyabr. REPORT.AZ/ Xarici işlər naziri Elmar Məmmədyarov Qatar Dövlətinin Baş nazirinin müavini və xarici işlər naziri Şeyx Mohammed bin Abdulrahman Al-Tani və Litva Respublikasının xarici işlər naziri Linas Linkeviçius ilə Nyu Yorkda BMT Baş Assambleyasının 73-cü sessiyasında görüşüb.

“Report” xəbər verir ki, tərəflər ikitərəfli əməkdaşlıq münasibətləri üzrə geniş fikir mübadiləsi aparıb və BMT Baş Assambleyasının 73-cü sessiyasının gündəliyinin qarşılıqlı maraq doğuran məsələlərini müzakirə edib.