Cevdet Yılmaz: Hər zaman Azərbaycanın yanındayıq, bu, Şuşa Bəyannaməsinin əsas prinsiplərindəndir

Türkiyə hər zaman Azərbaycanın yanındadır, məhz bu, Şuşa Bəyannaməsinin əsas prinsiplərindən biridir.

"Report"un məlumatına görə, bunu Türkiyənin vitse-prezidenti Cevdet Yılmaz Bakıda Azərbaycan Prezidenti İlham Əliyevlə görüşündə deyib.

Prezident İlham Əliyev də öz növbəsində Azərbaycanın hər zaman Türkiyənin yanında olduğunu deyib.

Görüşdə Azərbaycanla Türkiyə arasında qardaşlıq və strateji müttəfiqlik münasibətlərinin bütün istiqamətlər üzrə uğurla inkişaf etdiyi məmnunluqla vurğulanıb, müxtəlif səviyyələrdə həyata keçirilən qarşılıqlı səfərlərlərin münasibətlərin daha da genişlənməsi işinə töhfə verdiyi bildirilib.