Britaniya və Azərbaycan koronavirusa qarşı mübarizədə əməkdaşlıq edir

Böyük Britaniyanın Azərbaycandakı səfirliyi tibb işçiləri üçün platformanın yaradılmasına maliyyə ayırıb. 

Bu barədə “Report”a diplomatik nümayəndəlikdən məlumat verilib. 

“Böyük Britaniya səfirliyi COVID-19 pandemiyası ilə mübarizədə kömək etmək üçün xəstəxanaların tibbi personalına təlim verilməsində Azərbaycana dəstək olmaqdan qürur duyur. Ümumdünya Səhiyyə Təşkilatı (ÜST) ilə birlikdə Böyük Britaniya səfirliyi, Azərbaycanda xəstəxana personalına yeni təlim resurslarına çıxışın yaradılması və həmkarları ilə ünsiyyətə girməyə imkan verən www.azecovid19.org onlayn təlim platformasının hazırlanması layihəsini maliyyəşdirir. Layihə nəticəsində xəstəxanaların tibbi personalı ən qısa zamanda COVID-19 ilə mübarizə üçün lazımlı bacarıqlara yiyələnəcklər”, - səfirlikdən bildirilib.