BMT-nin Baş katibi İlham Əliyevin təşəbbüsü ilə keçiriləcək xüsusi sessiyadan danışdı

BMT-nin Baş katibi İlham Əliyevin təşəbbüsü ilə keçiriləcək xüsusi sessiyadan danışdı Azərbaycan Respublikasının Prezidenti İlham Əliyevlə BMT-nin Baş katibi Antonio Quterreş arasında telefon danışığı zamanı
Xarici siyasət
565
8 İyul , 2020 09:42
BMT-nin Baş katibi İlham Əliyevin təşəbbüsü ilə keçiriləcək xüsusi sessiyadan danışdı
Antonio Quterreş

Azərbaycan Respublikasının Prezidenti İlham Əliyevlə BMT-nin Baş katibi Antonio Quterreş arasında telefon danışığı zamanı dövlət başçısı Qoşulmama Hərəkatının sədri statusunda üzv dövlətlər adından BMT Baş Assambleyasının COVID-19-a həsr olunmuş xüsusi sessiyasının çağırılması barədə müraciətinə qısa müddətdə cavab verdiyinə görə Baş katibə təşəkkürünü çatdırıb və BMT-nin 130-dan çox üzv dövlətinin bu təşəbbüsü dəstəklədiyini vurğulayıb.

“Report”un xəbərinə görə, dövlət başçısı BMT Baş Assambleyasının COVID-19-a həsr olunmuş xüsusi sessiyasının çağırılmasında Baş katibin liderliyinin mühüm əhəmiyyət kəsb etdiyini diqqətə çatdırıb.

Prezident İlham Əliyev xüsusi sessiyanın keçirilməsi ilə əlaqədar texniki-logistik məsələlərin həllində Azərbaycanın öz töhfəsini verməyə hazır olduğunu bildirib.

BMT-nin Baş katibi Antonio Quterreş telefon zənginə görə Prezident İlham Əliyevə təşəkkür edib. Baş katib BMT Baş Assambleyasının COVID-19-a həsr olunmuş xüsusi sessiyasının keçirilməsi təşəbbüsünü dəstəklədiyini qeyd edərək, texniki-logistik məsələlərin həlli ilə əlaqədar BMT-nin Azərbaycan tərəfi ilə birlikdə işləməyə hazır olduğunu deyib. Eyni zamanda, Baş katib Azərbaycanın BMT-nin Dayanıqlı İnkişaf Məqsədlərinin həyata keçirilməsi üçün fəal surətdə çalışdığını bildirib.

Prezident Ilham Əliyev və Baş katib Antonio Quterreş telefon danışığında əminliklərini ifadə ediblər ki, keçiriləcək xüsusi sessiya COVID-19 pandemiyasına qarşı mübarizədə önəmli addım olacaq.