Azərbaycan XİN: “Fransa hökuməti Aleksis Şahtaxtinskinin fəaliyyət müddətinin uzadılmasını dəstəkləməyib”
Azərbaycan XİN: “Fransa hökuməti Aleksis Şahtaxtinskinin fəaliyyət müddətinin uzadılmasını dəstəkləməyib”ATƏT-in Bakı Layihə Əlaqələndiricisindən Azərbaycan Xarici İşlər Nazirliyinə məktub daxil olub
Bakı. 2 iyun. REPORT.AZ/ “ATƏT-in Bakı Layihə Əlaqələndiricisindən Azərbaycan Xarici İşlər Nazirliyinə daxil olmuş məktubda ATƏT-in Bakı Layihə Əlaqələndiricisi Aleksis Şahtaxtinskinin təyinat müddətinin 31 may 2015-ci il tarixində başa çatması bildirilib”. Bu barədə “Report”un sorğusuna cavab olaraq Azərbaycan XİN-in mətbuat xidmətinin rəhbəri Hikmət Hacıyev bildirib.
“ATƏT-dən verilən məlumata görə Fransa hökuməti vətəndaşlığını daşıyan Aleksis Şahtaxtinskinin ATƏT-in Bakı Layihə Əlaqələndiricisi statusunda fəaliyyət müddətinin 31 may tarixindən sonrakı müddətə uzadılmasını dəstəkləməyib”, - H.Hacıyev əlavə edib.