Azərbaycan və Qvineya-Bisau XİN-ləri siyasi məsləhətləşmələr keçirəcəklər

Azərbaycan və Qvineya-Bisaunun Xarici İşlər nazirlikləri arasında siyasi məsləhətləşmələrin həyata keçirilməsi ilə bağlı əməkdaşlıq memorandumu imzalanıb.

“Report” xəbər verir ki, bunu Azərbaycanın xarici işlər naziri Ceyhun Bayramov Bakıda Qvineya-Bisaunun xarici işlər, beynəlxalq əməkdaşlıq və icmalar naziri Karlos Enrike de Xesus Pinto Pereira ilə birgə keçirilən mətbuat konfransında deyib.

Onun sözlərinə görə, bu, hər iki bölgə barədə tərəflərin mütəmadi məlumatlandırılması üçün vacib addım idi.