Aİ rəsmisi Azərbaycan ərazilərinin geniş şəkildə minalarla çirkləndirilməsi barədə məlumatlandırılıb

Azərbaycanın xarici işlər naziri Ceyhun Bayramov ölkə ərazisinin geniş şəkildə minalarla çirkləndirilməsi barədə Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidentini məlumatlandırıb.

“Report” xəbər verir ki, onlar bu barədə Azərbaycan XİN-də keçirilən birgə mətbuat konfransında danışıblar.

C.Bayramovun sözlərinə görə, işğaldan azad edilən ərazilərdə bərpa-quruculuq işlərinə maneə törədən ən ciddi məsələ mina problemidir:

“Biz növbəti illərdə də bu problemlərlə üzləşməli olacağıq. Ermənistan tərəfinin basdırdığı minaların qurbanı olan insanlardan 70 nəfər həyatını itirib”.