ABŞ dövlət katibinin köməkçisi: Bakı ilə İrəvan arasında sülh regionun iqtisadi imkanlarını genişləndirəcək

ABŞ Azərbaycan və Ermənistan arasında davamlı sülhün bərqərar olması səylərini dəstəkləyir.

"Report" Ermənistan KİV-ə istinadən xəbər verir ki, bunu ABŞ dövlət katibinin Avropa və Avrasiya məsələləri üzrə köməkçisi Ceyms O’Brayn ABŞ-Ermənistan Strateji Dialoqunun İrəvanda keçirilən yekun iclasında deyib.

“Biz regionda uzunmüddətli sülhün bərqərar olması, Mərkəzi Asiyadan Aralıq dənizinə qədər iqtisadi imkanların genişləndirilməsi səylərinə dəstək veririk. Ermənistanla Azərbaycan arasında uzunmüddətli sülh yaranarsa, bu imkanlar daha da genişlənəcək. Bu baxımdan, bu sahədə səyləri dəstəkləməkdən məmnunuq”, - o bildirib.