Çin altı ölkə vətəndaşları üçün vizasız səfərin müddətini artırıb

Çin Xarici İşlər Nazirliyi altı ölkənin - İtaliya, Fransa, Almaniya, Niderland, İspaniya və Malayziya vətəndaşları üçün vizasız səyahət müddətinin eksperimental olaraq artırıldığını açıqlayıb.

“Report” xəbər verir ki, bu barədə “Reuters” məlumat yayıb.

Sadələşdirilmiş eksperimental rejim 2023-cü il dekabrın 1-dən 2024-cü il noyabrın 30-dək qüvvədə olacaq.

Daha əvvəl məlumat verilmişdi ki, Çinə gələn turistlərin sayı COVID-19 məhdudiyyətləri və Pekinin bununla bağlı siyasəti səbəbindən 98% azalıb.