Azərbaycan vətəndaşları ötən il İrana turist axınında 7 % paya malik olub

2023-cü ildə İrana səfər etmiş turistlərin 7 %-ni Azərbaycandan bu ölkəyə səyahət edənlər təşkil edib.

“Report” xarici mətbuata istinadən xəbər verir ki, bu barədə Ümumdünya Səyahət və Turizm Şurası məlumat yayıb.

Məlumata görə, ötən il İranın turizm sənayesində 21 % artım müşahidə edilib ki, bu da koronavirus (COVID-19) pandemiyasından sonra güclü bərpanı göstərir. Hesabat dövründə turizm sektorunun milli iqtisadiyyatda payı 4,7 % olub, məşğul əhalinin 6,6 %-i və yaxud təxminən 1,6 milyon insan bu sektorda çalışıb.