Azərbaycan Qazaxıstan və İsraildə turizm sərgilərində iştirak edəcək

Azərbaycan Dövlət Turizm Agentliyi aprelin 19-21-də Qazaxıstanın Almatı şəhərində, fevralın 14-15-də İsrailin Tel-Əviv şəhərində keçiriləcək beynəlxalq turizm sərgilərində iştirak edəcək.

"Report" Agentliyə istinadən xəbər verir ki, artıq sərgidə iştirakla bağlı hazırlıq işlərinə başlanılıb.

Qeyd edək ki, 21-ci Qazaxıstan Beynəlxalq “Turizm & Travel” sərgisi Almatı şəhərində Atakent Expo mərkəzində keçiriləcək. Sərgidə 19 ölkədən nümayəndələrin iştirakı gözlənilir.

29-cu beynəlxalq Aralıq Dənizi Turizm Bazarı sərgisi Təl-Əviv Expo mərkəzində keçiriləcək. Sərgiyə 65 ölkədən 2,2 min sərgi iştirakçısı və 30 mindən çox ziyarətçinin gəlməsi gözlənilir.