Azərbaycan dünyanın 5 ən böyük turizm sərgisindən birində iştirak edəcək

Azərbaycan fevralın 8-11-də Türkiyənin İstanbul şəhərində keçiriləcək 26-cı Şərqi Aralıq dənizi Beynəlxalq Səyahət və Turizm Sərgisində ("EMİTT 2023") iştirak edəcək.

“Report” bu barədə xarici mətbuata istinadən xəbər verir.

Məlumata görə, dünyanın 5 ən böyük turizm sərgisindən biri olan "EMİTT 2023"də müxtəlif ölkələr, istirahət yerləri, yay və qış turizmi, açıq turizm destinasiyaları, sağlamlıq turizmi, qastronomiya turizmi, mehmanxana və turist mərkəzləri, tur operatorlar və agentliklərlə bağlı stendlər olacaq.

Xatırladaq ki, 2022-ci ildə EMİTT 110 ölkədən 33 595 ziyarətçi qəbul edib.