Azad edilmiş ərazilərdə qış turizm kompleksinin tikintisi müzakirə edilir

İşğaldan azad edilmiş ərazilərdə qış turizm kompleksinin tikintisi müzakirə edilir.

"Report" xəbər verir ki, bunu Dövlət Turizm Agentliyinin (DTA) sədrinin müşaviri Kənan Quluzadə deyib.

O bildirib ki, azad edilmiş ərazilərin coğrafiyası və təbiəti bu ərazidə qış turizm kompleksinin tikintisinə imkan verir, xüsusi ilə Kəlbəcərdə bu işlər görülə bilər.

"Bununla bağlı təkliflər var və müzakirələr aparılır", - Agentlik rəsmisi qeyd edib.