"Santa Barbara" serialının aktyoru vəfat edib

Məşhur "Santa Barbara" (1984-1993) serialında Layonel Lokric obrazını canlandıran Britaniya əsilli amerikalı aktyor Nikolas Koster 90 yaşında vəfat edib.

"Report" xəbər verir ki, bu barədə "The Hollywood Reporter" məlumat yayıb.

Koster iyunun 26-da Floridada xəstəxanada dünyasını dəyişib.

O, "Santa Barbara"dan başqa, "Gənc ata" (2016), "Möhtəşəm Hörümçək Adam" (1977-1979) və "Amerika cinayət hekayəsi" (TV serialı, 2016-2021) seriallarında da rol alıb.