Şəhid hərbi qulluqçuların vərəsələrinin Dövlət Sığorta Şirkətinə etdikləri şikayətlərin sayı açıqlanıb

Bakı. 7 noyabr. REPORT.AZ/ "Bu günə kimi Dövlət Sığorta Kommersiya Şirkətinə şəhid vərəsələri tərəfindən 200-dən çox şikayət ərizəsi daxil olub".

"Report" xəbər verir ki, bunu mətbuat konfransında şirkətin sədr müavini Aftandil Hacıyev deyib. 

O bildirib ki, şikayət ərizələri kollektiv və fərdi olur: "Hazırda 20-30 faizə yaxın ərizəyə cavab verilib. Digər ərizələr də araşdırılacaq və ayrı-ayrılıqda cavablandırılacaq".