Nazir: "Prezidentin sərəncamı 577 min insanı əhatə edəcək"

Bakı. 25 fevral. REPORT.AZ/ Prezident İlham Əliyevin imzaladığı “Əhalinin sosial müdafiəsinin gücləndirilməsi sahəsində əlavə tədbirlər haqqında” sərəncam 577 min insanı əhatə edəcək.

"Report" xəbər verir ki, bunu əmək və əhalinin sosial müdafiəsi naziri Sahil Babayev keçirdiyi brifinqdə deyib.

Onun sözlərinə görə, sərəncamın icrası üçün bu il büdcədən 302 milyon manatın ayrılması nəzərdə tutulur. Gələn il üçün bu rəqəm 400 milyon olacaq: "Aprelin 1-dən insanlar həmin vəsaitləri ala biləcəklər".