İlin 10 ayında məişət zorakılığı ilə bağlı Dövlət Komitəsinə daxil olan müraciətlərin sayı məlum olub

Ailə, Qadın və Uşaq Problemi üzrə Dövlət Komitəsinə 2024-cü ilin ilk 10 ayı ərzində məişət zorakılığı ilə bağlı 486 müraciət daxil olub.

Bunu "Report"a müsahibəsində Ailə, Qadın və Uşaq Problemləri üzrə Dövlət Komitəsinin Hüquqi-təminat şöbəsinin Məişət zorakılığının qarşısının alınması sektorunun məsləhətçisi İradə Məmmədova deyib.

O bildirib ki, son illərdə aparılan intensiv fəaliyyət və maarifləndirmə sayəsində Dövlət Komitəsinə daxil olan müraciətlərin sayı artıb:

"Dövlət Komitəsinə məişət zorakılığı ilə bağlı 2023-cü il ərzində 560, 2024-cü ilin ilk 10 ayı ərzində 486 müraciət daxil olub. Məişət zorakılığına məruz qalanların 38-i kişi, 430-u qadın, 364-ü uşaq, 6-sı əlil, 3-ü ahıl olub".

İ.Məmmədova, həmçinin qeyd edib ki, “Gender əsaslı zorakılığa qarşı 16 günlük fəallıq” kampaniyası çərçivəsində "860" saylı dəstək xəttinə 2024-cü ilin ilk 9 ayı ərzində 221 müraciət daxil olub. Onlardan 187-i qadın, 34-ü kişi olub.

Müsahibənin tam mətni ilə buradan tanış ola bilərsiniz.