Bakı küçələrində yaşayan gəncin dramı

Onları çoxumuz “bomj” adlandırırıq. Səfil həyatı yaşayan bu insanlara Bakı küçələrində tez-tez rast gəlirik.

"Report"un əməkdaşları metronun Xətai stansiyasının yaxınlığında gecələyən, daha dəqiqi, gecə-gündüz həmin ərazidə olan Valehlə həmsöhbət olub.

Onun valideynləri Lənkəran şəhərində yaşayır, özü isə ömrünü paytaxt küçələrində keçirir.

Ömrünün gənclik çağında olsa da, sanki həyat öz yükünü vaxtından əvvəl Valehin çiyinlərinə yükləyib.

Valehin sadəcə bir qəhvəyi paltosu var. Yayın qızmar günəşinə baxmayaraq, paltonu əynindən çıxarmır. 

Valeh yay-qış demədən dayanacaqlarda, parklarda gecələyir. Ailə qurub qurmadığını soruşanda isə sualımıza yarıutancaq şəkildə “yox” cavabı verdi.

Bakı küçələrində yaşayan gəncin dramı