Arzu Rəhimov Göyçayda vətəndaşları qəbul edəcək

Bakı. 28 fevral. REPORT.AZ/ Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi, general-leytenant Arzu Rəhimov Göyçayda vətəndaşları qəbul edəcək.

Dövlət Xidmətdən "Report"a bildirilib ki, qəbul martın 14-ü saat 11:00-da Göyçay rayonunda baş tutacaq. 

Qəbulda Göyçay, Yevlax, Bərdə, Tərtər, Zərdab, Ağdaş və Ucar rayonlarından olan vətəndaşların problemləri dinləniləcək.

Qəbula yazılmaq istəyən vətəndaşların martın 12-dək SHXÇDX-nin sözügedən rayon şöbə və bölmələrinə müraciət edərək qeydiyyatdan keçmələri zəruridir.