Cəlilabdda 84 yaşlı usta silah formasında musiqi alətləri hazırlayıb

Cəlilabdda 84 yaşlı usta silah formasında musiqi alətləri hazırlayıb.

Bu barədə "Report"un Muğan bürosuna məlumat verən, rayonun Hacıcavad kənd sakini, 84 yaşlı usta Adil Əmirov düzəltdiyi qeyri-adi milli musiqi alətləri ilə dünyaya sülh mesajı verdiyini düşünür: "Qırıcı təyyarə, avtomat, tapança, qumbara formasında kaman və tar milli musiqi alətləri düzəltmişəm. Bu alətləri düzəltməkdə məqsədim dünya dövlətlərini sülhə çağırmaqdır.

Ömrünü musiqi alətləri düzəltməyə həsr edən usta bu alətləri ifa etməyi də bacarır.

84 yaşlı sənətkar yaratdığı qeyri-adi bu musiqi alətlərinin gələcəkdə muzeydə qorunub saxlanılmasını arzu edir.