Yüksək Sıxlıqlı Polietilen Zavodu gələn ilin dekabrında istismara veriləcək

Bakı. 14 aprel. REPORT.AZ/ "SOCAR Polymer" layihəsinin Yüksək Sıxlıqlı Polietilen Zavodu 2018-ci ilin dekabr ayında istismara veriləcək. "Report" xəbər verir ki, bunu iqtisadiyyat naziri Şahin Mustafayev bildirib. 

Onun sözlərinə görə, layihənin digər zavodu Polipropilen Zavodu isə gələn ilin mart ayında istehsala başlayacaq. Nazir qeyd edib ki, hazır məhsul istehsal etmək üçün yaxşı imkanlar yaranır. Onun sözlərinə görə, hazırda layihənin icrasına 1 500 işçi cəlb olunub, zavodlar işə düşdükdən sonra burada 300 nəfər çalışacaq.