“Tehcnol" satış nöqtələrinin sayını 100-ə çatdırıb

Bakı. 3 mart. REPORT.AZ/ Azərbaycanın ilk müasir mühərrik yağları istehsalçısı olan “Technol” MMC fəaliyyət göstərdiyi bir ay ərzində satış nöqtələrinin sayını 100-ə çatdırıb.

Bu barədə “Report”a Şirkətdən bildirilib.

Məlumata görə, satış nöqtələrinin 70-i Bakı və Sumqayıt şəhərlərində, 30-u isə ölkənin cənub regionunda yerləşir. Bura müxtəlif növ ehtiyyat hissələri mağazaları, avtoservislər və yağdəyişmə məntəqələri daxildir.

Müştərilər “Technol” mühərrik yağlarını www.oilmarket.az saytı vasitəsi ilə də onlayn qaydada sifariş edə bilərlər.

Qeyd edək ki, “Technol” Azərbaycanın ilk mühərrik və sənaye yağları markasıdır.