Sahibkarlığın İnkişafı Fondu daha bir sənaye müəssisəsinə kredit verib

İqtisadiyyat Nazirliyi yanında Sahibkarlığın İnkişafı Fondu sənaye məhsullarının istehsalı və emalı layihələrinin maliyyələşdirilməsi çərçivəsində "ATA PACK" MMC-yə 1 milyon 950 min manat kredit verib.

"Report" xəbər verir ki, bunu nazir Mikayıl Cabbarov "Twitter"də bildirib.

Xatırladaq ki, Sahibkarlığın İnkişafı Fondu ölkə Prezidentinin “Sahibkarlığın inkişafına dövlət dəstəyi mexanizminin təkmilləşdirilməsi haqqında” 31 iyul 2018-ci il tarixli fərmanı ilə, İqtisadiyyat Nazirliyi yanında Sahibkarlığa Kömək Milli Fondunun bazasında yaradılıb. Onun nizamnamə kapitalı 1 007,307 milyon manatdır.