Naxçıvanda yerin təki sahəsinin istifadəyə verilməsi üzrə hərracın nəticələri açıqlanıb

Naxçıvanda növbəti dəfə yerin təki sahəsinin istifadəyə verilməsi üzrə hərrac təşkil edilib.

"Report"un yerli bürosu xəbər verir ki, hərrac Naxçıvan Biznes Mərkəzində Naxçıvan Muxtar Respublikası Ekologiya və Təbii Sərvətlər Nazirliyi və Hərracların Təşkili üzrə Auksion Mərkəzi tərəfindən keçirilib.

Hərracda Muxtar Respublikanın Culfa rayonu ərazisində yerləşən “Əlincəçay" çınqıl-qum qarışığı yatağında 6,9 hektar sahə satışa çıxarılıb.

Çınqıl-qum yatağının bu sahəsi “Arkoz inşaat” şirkətinə 34,5 min manata satılıb.

Qeyd edək ki, yatağın istismar müddəti 20 il təşkil edir.