İran, Rusiya və Almaniya Sumqayıt Kimya Sənaye Parkına maraq göstərir

Bakı. 12 aprel. REPORT.AZ/ Hazırda Sumqayıt Kimya Sənaye Parkında 7 rezident fəaliyyət göstərir və rezident olmaq istəyən digər namizədlərlə danışıqlar aparılır. "Report" xəbər verir ki, bunu jurnalistlərə açıqlamasında iqtisadiyyat nazirinin müavini Niyazi Səfərov deyib. 

N.Səfərov danışıqların nəticələrinin gələn həftə açıqlanacağını bildirib: "Hazırda İran, Rusiya və Almaniya Sumqayıt Kimya Sənaye Parkı ilə maraqlanır. Onlar öz təkliflərini irəli sürüb və biz də müəyyən araşdırmalar aparırıq. İnanıram ki, növbəti həftə yeni rezidentin adını açıqlayacağıq".