Azərbaycanda unlu qənnadı məmulatlarının istehsalı 1 % artıb

Ötən ilin yanvar-noyabr aylarında Azərbaycanda 66 min 332,9 ton unlu qənnadı məmulatları istehsal edilib.

“Report” Dövlət Statistika Komitəsinə istinadən xəbər verir ki, bu, əvvəlki ilin eyni dövrünə nisbətən 1,2 % çoxdur.

Dekabrın 1-nə ölkədə 1 240 ton hazır məhsul ehtiyatı yaranıb ki, bu da illik müqayisədə 79,2 % çoxdur.

Xatırladaq ki, 11 ayda Azərbaycanda 4 milyard 287,2 milyon manatlıq qida məhsulları istehsal edilib ki, bu da 1 il əvvələ nisbətən 9,3 % çoxdur.