Azərbaycanda meyvə-tərəvəz konservləri istehsalı 2 %-dən çox artıb

Bu ilin yanvar-iyun aylarında Azərbaycanda 2 milyon 186,8 min dekalitr meyvə şirəsi istehsal edilib.

“Report” Dövlət Statistika Komitəsinə istinadən xəbər verir ki, bu, 2024-cü ilin eyni dövrü ilə müqayisədə 0,5 % azdır.

Bundan başqa, hesabat dövrünə Azərbaycanda 80 min 223,8 ton meyvə-tərəvəz konservləri istehsal edilib ki, bu, 1 il əvvələ nisbətən 2,2 % çoxdur.

İyulun 1-nə ölkədə 617,8 min dekalitr meyvə şirəsi ehtiyatı, 16 min 702,4 ton isə meyvə-tərəvəz konservləri ehtiyatı yaranıb. Bu da, illik müqayisədə müvafiq olaraq 2,1 % və 2,3 % çoxdur.

Hesabat dövründə Azərbaycanda 2 milyard 628,5 milyon manatlıq qida məhsulları istehsal edilib ki, bu da, illik müqayisədə 12 % çoxdur.