Azərbaycan əmtəəlik propilen istehsalını 44 %-dən çox artırıb

Bu ilin yanvar-noyabr aylarında Azərbaycanda 132,7 min ton həcmində propilen, 152,9 min ton həcmində polietilen, 154,6 min ton həcmində etilen istehsal edilib.

“Report”un Dövlət Statistika Komitəsinə istinadən verdiyi xəbərə görə, propilen istehsalının 124 min tonu əmtəəlik məhsulun payına düşüb.

Hesabat dövründə propilen istehsalı 46,3 %, əmtəəlik propilen istehsalı 44,2 % artıb.

Bu ilin 11 ayı ərzində ölkədə etilen və polietilen istehsalı isə müvafiq olaraq 29,2 % və 51,4 % artıb.