Səhiyyə Nazirliyi yanında fəaliyyət göstərən İctimai Şuranın reqlamenti təsdiqlənib

Səhiyyə Nazirliyi yanında fəaliyyət göstərən İctimai Şuranın növbəti iclası keçirilib.

Nazirliyin Mətbuat xidmətindən "Report"a verilən məlumata görə, iclasda İctimai Şuranın reqlamenti təsdiq edilib və şura üzvüləri arasında vəzifə bölgüsü aparılıb. 

Şuranın işində Səhiyyə Nazirliyinin Aparat rəhbəri Nadir Zeynalov da iştirak edib.

Qarşıda duran tədbirlər barədə müvafiq qərarlar qəbul edilib. 

Yaxın günlərdə nazirliyin mütəxəssislərinin iştirakı ilə səhiyyə sahəsində qəbul edilmiş “Dövlət Proqramlarının” yerinə yetirilməsinin gedişatı barədə müzakirələrin keçirilməsi planlaşdırılıb. 

Şuranın növbəti iclası 21 may 2019-cu il tarixə təyin edilib.