ÜST: 2024-cü ildə dünyada vəba ölümləri 50% artıb

2024-cü ildə vəbadan ölüm 2023-cü illə müqayisədə 50% artaraq 6 mini keçib.

"Report"un məlumatına görə, bu barədə Ümumdünya Səhiyyə Təşkilatının (ÜST) bəyanatında deyilir.

Vurğulanıb ki, 2024-cü ildə 2023-cü illə müqayisədə qeydə alınan vəba hadisələrinin sayı 5%, ölənlərin sayı isə 50% artıb.

Qeyd olunub ki, ötən il həm qarşısının alınması, həm də müalicəsi mümkün olan xəstəlikdən 6 mindən çox insan dünyasını dəyişib.

Təşkilatın məlumatına görə, 2024-cü ildə xəstəlik halları 60 ölkədə, bir il əvvəl isə yalnız 45 ölkədə qeydə alınıb. ÜST əlavə edib ki, bütün halların 98%-i Afrika, Yaxın Şərq və Asiya ölkələrində baş verib.