Tibb müəssisələrində ictimaiyyətlə əlaqələr üzrə 17 vakant yer var

TƏBİB-in tabeliyində fəaliyyət göstərən tibb müəssisələrində ictimaiyyətlə əlaqələr üzrə 17 vakant yer var.

"Report" xəbər verir ki, bunu qurumun İctimaiyyətlə əlaqələr və marketinq departamentinin rəhbəri Zamirə Ədilova deyib.

TƏBİB-in tabeliyində 90 tibb müəssisəsinin olduğunu xatırladan sözçü bildirib ki, həmin xəstəxanalarda ictimaiyyətlə əlaqələr üzrə ştat vahidlərinin sayı 110-dur: "Bu ştatlar üzrə hazırda 83 nəfər çalışır. Ümumilikdə isə bu sahə üzrə 17 yer vakantdır. Ştat vahidi olmayan yerlərin sayı isə 3-dür".