Qan və qan komponentlərinin kimlərə verildiyi məlum olub

Mərkəzi Qan Bankı qan və qan komponentlərinin kimlərə verildiyini açıqlayıb.

“Report” xəbər verir ki, aşağıdakı şəxslər üçün qan verilməsi mümkündür:

- İrsi qan xəstəliklərindən (talassemiya, hemofiliya və s) əziyyət çəkən və immun çatışmazlığı vəziyyəti olan xəstələrə;

- Ağır anemiyası olan uşaqlara;

- Hamiləlik və doğuşla əlaqəli qanaxması olan qadınlara;

- Qan və sümük iliyi xəstəliklərindən əziyyət çəkən vətəndaşlarımıza

- Fövqəladə hallarda, fəlakətlərdə və qəzalarda travmatik xəsarət almış insanlara;

- Tibbi və cərrahi prosedurlardan keçən xəstələrə.