Ötən ilin dekabr ayında KTM-ə zəhərlənmə səbəbilə 116 nəfər qəbul edilib, 7-si ölüb

Ötən ilin dekabr ayı ərzində Kliniki Tibbi Mərkəzin (KTM) Toksikologiya şöbəsinə zəhərlənmə səbəbilə 116 nəfər qəbul edilib.

"Report"un məlumatına görə, bu barədə KTM məlumat yayıb.

Bildirilib ki, 18 nəfər dəm qazından, yeddi nəfər allergik reaksiyadan, dörd nəfər etanoldan, üç nəfər fosfor üzvi birləşmələrdən, altı nəfər yandırıcı məhlul, üç nəfər isə anafilaktik şok səbəbilə şöbəyə yerləşdirilib.

Həkimlərin səylərinə baxmayaraq, zəhərlənən şəxslərdən beş kişi, iki qadın olmaqla yeddi nəfər dünyasını dəyişib.

Ölüm halları sirkə turşusu, botulizm, etanol, dərman və dəm qazı zəhərlənmələrindən qeydə alınıb.