Naxçıvan Tibb Müəssisələrinin İdarəetmə Birliyinin Nizamnaməsi təsdiqlənib

Naxçıvan Muxtar Respublikasının Tibb Müəssisələrinin İdarəetmə Birliyinin Nizamnaməsi təsdiq edilib.

"Report"un yerli bürosu xəbər verir ki, bununla bağlı Naxçıvan Muxtar Respublikası Ali Məclisi sədrinin müavini Anar İbrahimov fərman imzalayıb.

Naxçıvan Nazirlər Kabineti bu fərmandan irəli gələn məsələləri həll edəcək.

Tibb Müəssisələrinin İdarəetmə Birliyi isə strukturunu, əməyin ödənişi fondunu, işçilərinin say həddini və əməkhaqlarının (vəzifə maaşının, vəzifə maaşına əlavələrin, mükafatların və digər ödənişlərin) məbləğini bir ay müddətində təsdiq edəcək və bu fərmandan irəli gələn digər məsələlərin həlli üçün zəruri tədbirlər görəcək.