Travmatologiya və Ortopediya İnstitutuna daxil olan müraciətlərin sayı açıqlanıb

Bu ilin ötən dövründə Elmi-Tədqiqat Travmatologiya və Ortopediya İnstitutuna ən çox travma ilə bağlı müraciət daxil olub.

“Report” xəbər verir ki, bunu İnstitutun direktoru Elviz Qasımov deyib.

Onun sözlərinə görə, ay ərzində təxminən 250-300 müraciət olur: "Bunun da 120-150-si travma ilə əlaqəli olub. Daha çox diz və bud-çanaq oynağı ağrıları, eləcə də bir neçə ətrafın eyni anda travma alması şikayətləri üstünlük təşkil edib. Bir çox hallarda yol-nəqliyyat hadisələrində uşaqların ətraf nahiyələrinin sınığı və ya hündürlükdən yıxılma nəticəsində travma alma faktları müşahidə olunur. Belə hallarda lazımi tədbirlər görülür, demək olar ki, əvvəlki sağlamlıqlarına qovuşurlar”.