Alimlər: Qadınların dərisindəki bakteriyalar üz qırışlarının yaranmasına kömək edə bilər

Alimlərin yeni araşdırması qadınların dərisində yaşayan bakteriyaların üz qırışlarının miqdarına qismən təsir edə biləcəyini göstərir.

“Report” xəbər verir ki, bu barədə “Daily Mail” məlumat yayıb.

Ultrabənövşəyi işığa məruz qalma dərinin elastikliyini itirməsi, ləkələr, qırışlar və digər qocalma əlamətləri üçün sübut olunmuş risk faktorudur. Yeni tədqiqatın müəllifləri müəyyənləşdiriblər ki, bakteriyalar da rol oynaya bilər. Onlar 18-70 yaş arası 650 qadının dərisinin vəziyyəti ilə bağlı 13 araşdırmanı təhlil ediblər. Daha müxtəlif mikrobiom (çox müxtəlif növ bakteriya olan) olan iştirakçıların dərilərində daha incə qırışlar var idi.

Qeyd edilir ki, müxtəlif mikrobioma sahib olmağın da faydaları var: Qadınların dəri sallanması üçün risk faktoru olan susuz dəridən əziyyət çəkmə ehtimalı daha azdır.

Əvvəlki araşdırmalar göstərib ki, sağlam gənc qadınların üzlərində yaşlı qadınlara nisbətən daha az bakteriya növü var: gənc dəridə məsamələrdə yaşayan və sebumla qidalanan “Cutybacteria Acnes” bakteriyası üstünlük təşkil edir.