Türkiyə Liviya ilə bağlı toplantını yarımçıq tərk edib

Bakı. 13 noyabr. REPORT.AZ/ Türkiyə Liviya ilə bağlı konfransı prosesdən kənarda saxlanıldığına görə tərk edib.

“Report” “Hürriyet”ə istinadən xəbər verir ki, bu barədə Türkiyə Prezidentinin müavini Fuat Oktay məlumat verib.

“İtaliyada keçirilən Liviya konfransı rəsmi toplantı olmadığından və Türkiyənin prosesdən kənar saxlanılmasına cəhd göstərilməsi səbəbindən dərin təəssüf hissi ilə iclası tərk etmişik”, - o vurğulayıb.

Qeyd edək ki, İtaliyanın Palermo şəhərində Liviyadakı vəziyyətlə bağlı beynəlxalq konfrans keçirilir.