Baş nazir: “Gürcüstan-Azərbaycan sərhədinin delimitasiyasının strateji tərəfdaşlıq çərçivəsində başa çatacağına əminəm”

“Əminəm ki, Gürcüstan və Azərbaycan arasında sərhədin delimitasiyası prosesi ölkələr arasındakı strateji tərəfdaşlıq ruhuna uyğun başa çatacaq”.

“Report”un yerli bürosu xəbər verir ki, bu barədə Gürcüstanın Baş naziri Mamuka Baxtadze jurnalistlərə bildirib.

O, KİV-i məsələnin həssaslığını nəzərə alaraq prosesi reallığa əsaslanaraq işıqlandırmağa çağırıb: “İyunun ikinci yarısında tərəflər arasında növbəti görüşün keçirilməsi planlaşdırılır. Demarkasiya prosesi çətin olsa da, əminəm ki, bu proses Gürcüstan və Azərbaycan arasında mövcud dost və starteji tərəfdaşlıq münasibətləri çərçivəsində yekunlaşdırılacaq”.