İrkutskda daşqın nəticəsində ölənlərin sayı 23 nəfərə çatıb

Rusiyanın İrkutsk vilayətində xilasedicilər daşqınlar nəticəsində ölən daha bir nəfərin meyitini aşkar ediblər.

Bu barədə "Report" "İnterfaks"a istinadən xəbər verir.

Bununla da ölənlərin ümumi sayı 23 nəfərə çatıb. Xilasedicilər itkin düşmüş daha 2 nəfəri sağ tapıblar. İndi itkin düşmüş şəxslərin sayı 8-ə düşüb.

Bu barədə məlumatı Rusiya Fövqəladə Hallar Nazirliyinin region üzrə Baş İdarəsi də təsdiqləyib.