Yuxarı
    Bağlamaq

    İranda hərbi parad zamanı törədilən terrorda ölənlərin sayı 24-ə çatıb - VİDEO - YENİLƏNİB-3

    Bakı. 22 sentyabr. REPORT.AZ/ İranın cənubunda yerləşən Əhvaz şəhərində hərbi parad zamanı törədilən terror nəticəsində ölənlərin sayı 24 nəfərə çatıb.

    “Report” xəbər verir ki, məlumatı “PressTV” yayıb.


    *** 11:54

    Bakı. 22 sentyabr. REPORT.AZ/ İranın cənubunda yerləşən Xuzistan əyalətinin Əhvaz şəhərində hərbi parad zamanı törədilən terror nəticəsində ölən hərbçilərin sayı 10-a çatıb, 21 nəfər yaralanıb, 2 terrorçu zərərsizləşdirilib .

    “Report” “Tasnim” agentliyinə istinadən xəbər verir ki, bunu Xuzistan əyaləti valisinin siyasi məsələlər üzrə müavini bildirib.


    *** 10:49

    Bakı. 22 sentyabr. REPORT.AZ/ İranın cənubunda yerləşən Xuzistan əyalətinin Əhvaz şəhərində hərbi parad zamanı törədilən terror nəticəsində 7 hərbçi ölüb, 2 terrorçu zərərsizləşdirilib .

    “Report” xəbər verir ki, məlumatı “Tasnim” agentliyi yayıb.

    Bildirilib ki, terrorçulardan ikisi hadisə yerindən qaçıb.

    Terror törədənlər barədə hələ ki, rəsmi məlumat verilməyib.


    *** 10:20

    Bakı. 22 sentyabr. REPORT.AZ/ İranın cənubunda yerləşən Əhvaz şəhərində hərbi parad zamanı törədilən terror nəticəsində çoxlu sayda insan ölüb və yaralanıb.

    “Report” xəbər verir ki, məlumatı Türkiyə KİV-ləri yayıb.

    Qeyd edək ki, sentyabrın 22-də “Müqəddəs müdafiə” həftəsinin birinci günü başlayıb. Bu münasibətlə İran İnqilab Keşikçiləri Qvardiyası və Ordu Tehran da daxil olmaqla İranın bütün şəhərlərində hərbi parad keçirir. Ölkə paytaxtında keçirilən tədbirdə İslam Respublikasının prezidenti Həsən Ruhani və parlamentin sədri Əli Laricani iştirak edib.

    Tədbirə körfəzdən və Bəndərabbas limanından 600 döyüş gəmisi də qatılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi