Gürcüstan pandemiyaya görə 588 milyon dollar itirib

“Gürcüstan koronavirus pandemiyasına görə 1 milyard 800 milyon laridən (588 milyon ABŞ dolları) çox zərərlə üzləşib”.

“Report”un yerli bürosu xəbər verir ki, bu barədə ölkənin maliyyə nazirinin müavini Giorgi Kakauridze parlamentdə komitə iclasında bildirib.

O deyib ki, ən böyük itki 1 milyard 545 milyon lariyə yaxın olmaqla vergi daxilolmaları ilə bağlıdır.

Nazir müavini pandemiya səbəbindən builki dövlət büdcəsinin 800 milyon lari azaldıldığını qeyd edib.