Yuxarı

Ermənistanda keçmiş nazirin rüşvət alması faktı üzrə 2 nəfər həbs olunub

Ermənistanda keçmiş nazirin rüşvət alması faktı üzrə 2 nəfər həbs olunub

Bakı. 4 dekabr. REPORT.AZ/ Ermənistanın keçmiş təbiəti mahafizə naziri Aram Arutyunyanın böyük məbləğdə rüşvət alması faktı ilə bağlı aparılan istintaq çərçivəsində 2 nəfər həbs olunub.

"Report" xəbər verir ki, bu barədə Ermənistanın "Joxovurd" qəzeti yazıb.

Nəşrin məlumatına əsasən, iş adamı Silva Ambartsumyanın ifadəsinə əsasən, Armen Xaçatryan və Viktor Martirosyan həbs olunub. Biznes-ledi daha əvvəl Arutyunyana rüşvəti bu iki nəfər vasitəsilə verdiyini bildirmişdi.

İstintaqın versiyasına görə, 2008-ci ildə təbiəti mühafizə naziri olarkən A.Arutyunyan S.Ambartsumyandan Ermənistanın üç vilayətində əlvan metal yataqlarının araşdırılması və işlənməsinə lisenziya verilməsi üçün 14 milyon dollar tələb edib və sonda vəsaiti əldə edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi