Zaxarova: Rusiya-Ermənistan münasibətlərinin pozulmasına çox cəhdlər olub

Çoxları Rusiya ilə Ermənistan arasında ikitərəfli münasibətləri pozmaq istəyir.

"Report" xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.

“Çoxları onları yıxmaq istəyir. Bir çoxları onlara zərər vermək üçün çox şey edib”, - o bildirib.

M.Zaxarova əlavə edib ki, Rusiya bəzən ona ünvanlanan təhqiredici bəyanatlara baxmayaraq, bu cəhdlərin nəticəsiz qalması üçün hər şeyi edib:

“Ermənistanla bütün sahələrdə münasibətlər bir sıra səbəblərə görə Rusiya üçün həmişə prioritet olub: tarixi, iqtisadi, o cümlədən geosiyasi. Onlar həmişə bərabər hüquqlar, maraqların qarşılıqlı nəzərə alınması, regiondakı vəziyyətin mürəkkəbliyini dərk etmək üzərində qurulub”.