Yerevanda mitinqdə özünü yandıran şəxs ölüb

Bakı. 3 avqust. REPORT.AZ/ Ermənistan paytaxtı Yerevanda post-patrul xidməti alayı binasını ələ keçirən silahlı qruplaşmaya dəstək çərçivəsində keçirilən mitinqdə özünü yandırmağa cəhd edən şəxs ölüb.

Bu barədə "Report" Ermənistan KİV-inə istinadən xəbər verir.

Qeyd edək ki, hadisə iyulun 30-da gecə saatlarında Yerevanın Baqramyan prospektində baş verib.

Hadisədən sonra 58 yaşlı Kacik Qriqoryan ağır yanıq xəsarətləri ilə xəstəxanaya yerləşdirilmişdi.