Xarkova kütləvi dron hücumu nəticəsində yaralananların sayı 45 nəfərə çatıb

Rusiya Silahlı Qüvvələrinin Xarkova kütləvi hücumu nəticəsində yaralananların sayı 45 nəfərə çatıb.

“Report” xəbər verir ki, bu barədə Ukrayna KİV-ləri Xarkov vilayəti hərbi administrasiyasının rəhbəri Oleq Sinequbova istinadən məlumat yayıb.

"Yaralananlara yardım göstərmək üçün 13 təcili tibbi yardım briqadası cəlb edilib", - o bildirib.

Fövqəladə Hallar Dövlət Xidməti dronlarla hücumun geniş miqyaslı yanğınlara və dağıntılara səbəb olduğunu bildirib. Xüsusilə, yaşayış evləri, qarajlar və infrastruktur obyektləri dağıdılıb, həmçinin avtomobillər zədələnib.