Türkiyədə atışma zamanı bir neçə azərbaycanlı yaralanıb

Türkiyədə atışma zamanı bir neçə azərbaycanlı yaralanıb Türkiyədə baş verən kütləvi dava zamanı bir neçə azərbaycanlı xəsarət alıb.
Region
12 Sentyabr , 2022 01:16
Türkiyədə atışma zamanı bir neçə azərbaycanlı yaralanıb

Türkiyədə baş verən atışma zamanı bir neçə azərbaycanlı yaralanıb.

Bu barədə "Report" Türkiyə mətbuatına istinadən xəbər verir.

Məlumata görə, hadisə İstanbulda qeydə alınıb. Belə ki, Sarıyer rayonunda kafedə iki qrup arasında mübahisə yaranıb. Mübahisə atışma ilə nəticələnib. Silahlı insident zamanı 4-ü Azərbaycan, 1-i İran vətəndaşı olmaqla 6 nəfər xəsarət alıb.

Hadisə yerinə xeyli sayda polis əməkdaşı və təcili tibbi yardım cəlb olunub. Yaralılar yaxınlıqdakı xəstəxanalara çatdırılıblar. Xəsarət alanlardan birinin vəziyyətinin ağır olduğu bildirilir.

İnsidentin hansı səbəbdən baş verdiyi hələ məlum deyil.

Son xəbərlər

Orphus sistemi