Türkiyə vətəndaşı lotereyada 11,4 milyon dollar udub

Bakı. 26 yanvar. REPORT.AZ/ Türkiyənin Ərzincan vilayətinin sakini milli lotereyada 42,5 milyon türk lirəsi – 11,4 milyon dollar udub.

"Report" xəbər verir ki, bu barədə "Habertürk" məlumat yayıb.

Lotereyanın təşkilatçıları uduşa düşən nömrələrin 5, 12, 17, 20 və 40 olduğunu bildiriblər.

"Sabah" qəzeti isə Türkiyə tarixində ən böyük lotereya uduşunun Yeni il gecəsi, 61 milyon türk lirəsi – 16,3 milyon dollar məbləğində olduğunu qeyd edib. Məbləğ 4 nəfər arasında bölünüb.